ಸಣ್ಣದೊಂದು ನಶೆ- -हल्का सा इक नशा

ಸಣ್ಣನೆಯ ನಶೆಯೊಂದು ಸುಮ್ಮನೇ ಯೇರಿಹುದು,
ಹಾಗೆಯೇ ಕಣ್ಣಿನಲಿ ಕಾಣದೇ ಮಿಂಚಿಹುದು.

ನಿನ್ನನೆ ನೋಡುತಿರೆ ನನ್ನದೀ ಎದೆಯಿಂದು,
ತನ್ನೊಳಗೆ ಏನೇನೊ ಗುನುಗುತಿಹುದು.

ನನ್ನೆದೆಯ ಭಾವಕ್ಕೆ ಜೀವ ತುಂಬಿದೆ ನೋಡು,
ದೂರವನ್ನು ಕಳೆದೊಗೆದು ಬಳಿ ಬಂದು ಕೂಡು .

ಮೈ ತಣಿಸುವಾ ಈ ಹವೆಇರಲು ಹೀಗೆಂದೂ,
ನನ್ನೊಳಗಿನ ಉತ್ಸಾಹ ಹೆಚ್ಚುತಿದೆ ಇಂದೂ.

ದೂರದಾ ನೋಟದಲಿ ಯೇನಿಹುದು ಖುಷಿಯೇ..?
ಮಾಯೆಯೇ ನೀ ನನ್ನ ಮಿಡಿತದಲಿ ಮಿಡಿಯೇ..!

ಧ್ವನಿಯಲ್ಲಿ ಧ್ವನಿಯಿಟ್ಟು ನನ್ನೆದೆಯೀಗ ನಿನ್ನ
ಕೂಗುತಿದೆ ಜೋರಾಗಿ ಬಳಿ ಬರಲು ಎನ್ನ ....!

--ಅಪೂರ್ವ ಚಂದ್ರ (translation of the Ghazal called "Halka sa ek nasha" sung by Hariharan)