ನನ್ನಿಂದಲೇ ಹುಟ್ಟಿ ಬೇರೆಡೆಗೆ ನೋಡುತ್ತಿರುವೆ.
ಅತ್ತಲೂ ಇತ್ತಲೂ ಕೋನವಾಗಿರುವೆ.
ಎಲ್ಲವೂ ನಾನೇ , ಎಲ್ಲವೂ ನನ್ನಿಂದಲೇ.
ಬೇರೆಯಾಗಿ ಕಂಡರೂ ಶುರು ಇಲ್ಲಿಂದಲೇ.
ಬೆಳೆಯುವುದು ಅಷ್ಟೊಂದು ಸುಲಭವಲ್ಲ.
ಬೆಳೆದಂತೆ ನಾ ನಾನಾಗಿರುವುದೂ ಇಲ್ಲ.
ಇದ್ದರೂ ನಾನಿಲ್ಲಿ ನಿನಗೆ ಕಾಣುವುದಿಲ್ಲ.
ನೀನೇ ಹೇಳುವಂತೆ ,ಹೀಗಿದ್ದರೆ ನಾ ನಾನಲ್ಲ.
ನಿರ್ದೋಷಿ ನಾ , ದೂಷಣೆಯು ಸಲ್ಲ.
ಲೋ ತಮ್ಮಾ ನಾ ರಾಜಕಾರಣಿಯಲ್ಲ.
ಇವೆಲ್ಲವ ಕೇಳಿ ನಾ ದೇವರೆನೋ ಎಂಬ ಶಂಕೆ ನಿನಗೆ.!
"ಇರಬಹುದೇನೋ"..?!! ಆದರೆ ನಾ ಅದೊಂದೇ ಅಲ್ಲ.!
ಮೂಢತೆಗೆ , ನಿನ್ನ ಮೂರ್ಖತನಕ್ಕೆ,
ನಾನೊಂದು ಬಿಳಿ, ಕಪ್ಪು ಚುಕ್ಕೆ.
ಎಂದೂ ಅಲ್ಲೇ ಇರುವೆ, ಕೇಳು ನಾನಾರೆಂದು.
ನಾನೇನೂ ಅಲ್ಲ , ಯಾರೂ ಅಲ್ಲ,ಸುಮ್ಮನೆ ಇಲ್ಲೇ ಇರುವ ಸಣ್ಣನೆಯ ಬಿಂದು.:-)
--Apoorva Chandra
